Posts

Showing posts from 2011

ഗൾഫ് സ്വപ്നങ്ങൾക്ക് നിറം മങ്ങുന്നുവൊ

Image

ഇനിയും ഞങ്ങളെ പരീക്ഷിക്കണോ?

Image
പറയുക പ്രഭുക്കളെ, ഇനിയും ഞങ്ങളെ പരീക്ഷിക്കണോ?
ജീവച്ചവങ്ങളായ ഞങ്ങൾക്ക്
ഇനിയുമൊരു പരീക്ഷണത്തെ താങ്ങാൻ ശക്തിയുണ്ടൊ
ഉണ്ടെങ്കിൽ ഇനിയും ഞങ്ങളെ പരീക്ഷിച്ചുകൊള്ളുക
ഗിനിപ്പന്നികളെപോലെ
ഞങ്ങളുടെ ചോരയുംനീരും അണ്ഡവും ബീജവും മുലപ്പാലുമെല്ലാം
പരീക്ഷണങ്ങൾക്കുവേണ്ടി എത്രയൊ വട്ടം നിങ്ങൾ ഊറ്റിയെടുത്തു
ഇനിയും ഞങ്ങളെ വെട്ടിനുറുക്കി കഷ്ണങ്ങളാക്കുക
നിങ്ങളുടെ ലബോറട്ടറികളിലിട്ട് പരീക്ഷിച്ചുകൊള്ളുക
അല്ലെങ്കിൽ ഞങ്ങളെ കൂട്ടത്തോടെ തീയിട്ടു ചുട്ടുകൊല്ലുക
ഞങ്ങളുടെ ചാരത്തിന് മുകളിൽ നിങ്ങളുടെ കൊടിക്കൂറകൾ പറത്തുക
അവിടെ നിങ്ങൾക്ക് നൂറ്‌‌മേനി വിളവെടുക്കാൻ കഴിയും
അധികാരത്തിന്റെ സോപാനങ്ങളിലേക്ക് അത് കുറുക്കുവഴിയുമാകും

ഓ ഭരണാധികാരികളെ, നിങ്ങളും മനുഷ്യരല്ലെ?
നിങ്ങൾക്കുമില്ലെ രക്തവും രക്തബന്ധങ്ങളും
ശീതീകരിച്ച കൊട്ടാരങ്ങളിൽ അവർ സുഖനിദ്ര കൊള്ളുമ്പോഴും
പോഷക പാനീയങ്ങളും മുന്തിയ ഭോജ്യവും അവർക്ക് സുലഭമാകുമ്പോഴും
ഉയർന്ന ജീവിതവും പരിവാരങ്ങളും അവർക്ക് ചുറ്റുമുണ്ടാകുമ്പോഴും
കളിയും ചിരിയുമായി അവരെപ്പോഴും നിങ്ങളോടൊപ്പമുണ്ടാകുമ്പോഴും

ഇവിടെ ഞങ്ങൾ, വെറും കീടങ്ങളായി ചത്തൊടുങ്ങുന്നു
മുട്ടിലിഴയുന്ന, കിടക്കപ്പായയിൽ കൈകാലിട്ടടിക്കുന്ന,
ഈ മന…

ആരുണ്ട് ഇവരെ രക്ഷിക്കാൻ?

Image
ലൈംഗികപീഡന കേസുകളും സ്ത്രീകൾക്കും കുട്ടികൾക്കും നേരെയുള്ള കടന്നാക്രമണങ്ങളും ഇന്ന് നമുക്കിടയിൽ അപ്രധാനമായ വാർത്തകളായിരിക്കുന്നു. ഇത്തരത്തിൽ മനസ്സിനെ പിടിച്ചുലച്ച ഒരു വാർത്തയാണ് കഴിഞ്ഞ ദിവസം എന്റെ നാട്ടിൽനിന്നും കേൾക്കാനായത്. ഒമ്പതു വയസ്സുമുതൽ തന്റെ മാതാവിന്റെ സഹോദരിഭർത്താവിൽ നിന്ന് ക്രൂരമായ പീഡനങ്ങൾ ഏൽക്കേണ്ടിവന്ന പതിമൂന്നുകാരി പെൺകുട്ടിയാണ് കേസിലെ ഇര. മാതാവും പിതാവും ബന്ധം വേർപ്പെടുത്തി മറ്റു വിവാഹം കഴിച്ചതോടെ അനാഥമായ പെൺകുട്ടി ഒരു അനാഥാലയത്തിലാണ് കഴിഞ്ഞിരുന്നത്. കുട്ടിയുടെ സംരക്ഷണം സ്വമേധയാ ഏറ്റെടുത്ത ഈ കാട്ടാളഹൃദയനായ മനുഷ്യൻതന്നെയാണ് കുട്ടിയെ അനാഥാലയത്തിലാക്കിയത് . അനാഥാലയത്തിൽ നിന്ന് വിവിധ കാരണങ്ങൾ പറഞ്ഞ് വിളിച്ചിറക്കി വിവിധ സ്ഥലങ്ങളിൽ കൊണ്ടുപോയി ഇയാൾ കുട്ടിയെ പീഡിപ്പിക്കുകയായിരുന്നു. എട്ടുംപൊട്ടും തിരിയാത്ത ഈ പിഞ്ചു ബാലികയെ അതിക്രൂരമായി തന്റെ കാമാർത്തിക്ക് വിധേയമാക്കിയിട്ടും തൃപ്തനാകാത്ത ഇയാൾ, തന്റെ തൊഴിലുടമയും ബിസിനിസുകാരനുമായ മറ്റൊരാൾക്കും പെൺകുട്ടിയെ കാഴ്ചവെച്ചിരുന്നതായി ഇയാൾ പോലീസിനോട് സമ്മതിച്ചിട്ടുണ്ട്. അയ്യായിരം രൂപവരെ പ്രതിഫലം പറ്റിയിരുന്നതായി ഇയാൾതന്നെ സമ്മതിച്ചിട്ടുണ്ട…

ജിദ്ദാ ബ്ലോഗേഴ്സ് മീറ്റ് - ഇത്‌ ചരിത്ര മുഹൂർത്തം

Image
വൈകിട്ട് ഏഴുമണിക്ക്‌ തന്നെ ഞാൻ ഷറഫിയ ലക്കി ദർബാർ ഹോട്ടലിനു മുമ്പിലെത്തി. ഏഴുമണിക്ക്‌ തന്നെ സംഘാടകരെല്ലാം എത്തണമെന്ന നിർദ്ദേശമുള്ളതുകൊണ്ട്‌ സമയക്രമം പാലിക്കാൻ ഞാൻ കഴിവതും ശ്രമിച്ചു. ഞാനാണ്‌ ആദ്യമെത്തിയതെന്ന്‌ മനസ്സിലാക്കി സലീം ഐക്കരപ്പടിയെ ഫോണിൽ വിളിച്ചു .അദ്ദേഹം നേരത്തെ എത്തിയെന്നും ഇപ്പോൾ മീറ്റുമായി ബന്ധപ്പെട്ട ചില കാര്യങ്ങൾക്ക്‌ പുറത്തുപോയതാണെന്നും മറുപടി വന്നു. പിന്നെ വിളിച്ചത്‌ ബ്ലോഗേഴ്സ്‌ ഗ്രൂപിന്റെ ചെയർമാൻ സമദ്‌ കാരാടനെ. ഡയൽ ചൈതു തുടങ്ങിയപ്പോഴെ അദ്ദേഹത്തെ മുന്നിൽ കണ്ടു. എന്നേയും സലീം എക്കരപ്പടിയേയും പിന്നിലാക്കി ആദ്യമെത്തിയത്‌ സമദ്‌ക്കയായിരുന്നു. എല്ലാവരും എത്തിയിട്ട്‌ ചെയർമാനെത്തുന്ന രീതി അദ്ദേഹം തിരുത്തി. ഞാനും സമദ്‌ക്കയും ഓഡിറ്റോറിയത്തിൽ കയറി വേദിയും ഇരിപ്പിടങ്ങളുമെല്ലം വിലയിരുത്തി. അപ്പോഴേക്കും പ്രസിഡണ്ട്‌ ഉസ്മാൻ ഇരിങ്ങാട്ടിരി ഒറ്റവരിക്കവിതയും മൂളി ഓഡിറ്റോറിയത്തിലേക്ക്‌ കടന്നുവന്നു. അദ്ദേഹവും വേദിയും പരിസരവുമെല്ലം ഒന്ന്‌ ക്രോസ്‌ ചെക്ക്‌ ചെയ്തു. പിന്നെ മീറ്റിന്റെ സജീവ സംഘാടകരിലൊരാളായ കൊമ്പൻ മൂസയുടെ ആഗമനം. അപ്പോഴേക്കും പുറത്തുപോയ സലീം ഐക്കരപ്പടിയും എത്തി. ഒപ്പം ‘ജിദ്ദാ ബ്ലോഗേഴ…